Hoxe tivemos a visita de Iria Filgueira da Asociación de
Xordos de Vigo, que nos deu unha charla sobre a comunidade xorda, dentro das
campañas de sensibilización que están a ter lugar este ano no cole.
Como Iria é unha persoa xorda, o idioma que usou foi a
lingua de signos, e aínda que este ano os nenos e nenas estanse a iniciar nela,
aínda non son capaces de entendela, así que necesitamos que viñese tamén unha
intérprete, que nos pasaba a mensaxe da lingua de signos á
lingua oral.
Neste caso, fomos nós os que necesitamos a intérprete xa que
descoñecemos a lingua de signos. Isto débenos facer recapacitar sobre o enorme
esforzo diario que deben realizar moitas persoas para comprender e percibir o
que sucede ao seu arredor.
Algo tan sinxelo como a aprendizaxe da súa lingua dende
pequenos, como facemos nós, conseguiría eliminar as barreiras de comunicación
que aínda, a día de hoxe, seguen existindo.
Está nas nosas mans!