Mostrando entradas con la etiqueta OS NOSOS LIBROS. Mostrar todas las entradas
Mostrando entradas con la etiqueta OS NOSOS LIBROS. Mostrar todas las entradas
DÍA MUNDIAL DA POESÍA
.jpg)
O Día Mundial da Poesía, celebrado cada ano o 21 de marzo, conmemora unha das formas máis preciadas da expresión e identidade lingüística da humanidade. A poesía, practicada ao longo da historia en todas as culturas e en todos os continentes, fala da nosa humanidade común e dos nosos valores compartidos, transformando o poema máis simple nun poderoso catalizador do diálogo e a paz.
Para conmemorar esta data o Equipo de Biblioteca organizamos unha actividade moi especial para encadilar aos nosos nenos e nenas. Os Biblioaxudantes fixeron un traballo fantástico lendo en voz alta para os seus compañeiros poemas que prepararon antes. O ritmo e a musicalidade dos versos creazon un ambiente moi agradable onde os oíntes prestaban atención e escoitaban esas lecturas de poemas.
.jpg)
NOVIDADES
Aviso para os nosos lectores da biblioteca:
TEMOS UNHA GRAN VARIEDADE DE CONTOS NOVOS!
Animádevos a vir e ollear os títulos, seguro que algún vos chama a atención para os vosos préstamos e para un momento de lectura na nosa biblioteca.
Representando á nosa escola
O pasado venres día 18 de novembro unha alumna e un alumno de 6º de Primaria, foron a voz da nosa escola no Concello de Tui, aportando unha mensaxe clara e concisa, NON É NON, nun pleno escolar que tiña como finalidade aportar a voz do futuro de Tui sobre Violencia de Xénero.
O Concello de Tui, agasallou aos participantes dun libro para a nosa biblioteca, para formar a persoas diversas, sen prexuizos.
Presentamos a Naturizo
.jpg)
Aquí vos deixamos a páxina web con recursos e materiais sobre Naturizo
Esta é a canción de Naturizo e conta cunha versión con pictogramas
E ademais temos un conto narrado por Sabela Gago sobre o noso querido Naturizo.
Agardamos que o gocedes!!
EXPOSICIÓN SOBRE O CONTO "LA BRUJA BRUNILDA"
O alumnado de
segundo de primaria
traballou o conto
dunha bruxa
chamada Brunilda.
Esta bruxa vive nunha casa onde todo é negro: paredes, chan, portas, mobles, espellos... Ata o seu gato é negro. Como non o mira, faina tropezar a cotío.
Isto orixina problemas que Brunilda ten que solucionar, e para conseguilo, porá en práctica ideas moi divertidas usando a súa variña máxica.
Durante a lectura deste relato, os nenos e nenas aprenderon moitas cousas, como facer rimas a través de feitizos, á vez que pasaban un tempo xenial.
Unha das cousas que máis desfrutaron foi a realización dunha maqueta da casa da Bruxa con materiais de refugallo. Foi un traballo custoso pero moi satisfactorio: "A verdade é que quedou ben chula" afirmaban os nenos e nenas ao ver o resultado final.
Como xa fixeron os nenos e nenas de primeiro, a quen lles encantou.
DEPORTE E LECTURA
Na nosa cidade temos grandes deportistas e parte da "canteira" está no noso colexio. Estes nenos e nenas apaixoados do deporte tamén o son da lectura, sobre todo das historias onde os distintos deportes forman parte do argumento.
Estos son algúns dos títulos que recomendan...
DÍA MUNDIAL DO TEATRO
Hoxe celébrase o Día Mundial do Teatro e no colexio recibimos un agasallo da escritora Celia Díaz Núñez que nos enviou un exemplar da súa obra de teatro infantil "Velaí vai o papaventos".
Tódolos anos un ou varios cursos do colexio fan algunha representación teatral e nunha desas ocasións xa foi representada outra obra de Celia que se titula "Cataventos e cía".
Encantounos recibir este agasallo e esperamos poder representala en canto sexa posible.
O libro xa forma parte dos nosos fondos bibliotecarios e está á vosa disposición.
Moitas grazas Celia!
PACO NOGUEIRAS NO COLEXIO
Paco Nogueiras presentou no noso colexio o seu libro-cd-dvd titulado "Brinca vai" .
Nel propón unha viaxe musical ao longo dos 12
meses do ano, cantando e bailando temas vencellados coa natureza, a amizade, a
lingua galega, os xogos populares ou as festas tradicionais, dende o entroido
ao Nadal, pasando polo Samaín ou o magosto.
Os nenos e nenas de Infantil desfrutaron un montón coa visita de Paco.
O libro forma parte xa dos fondos da biblioteca.
DONDE LLORAN LAS MUSAS
Nun recuncho do boletín de fin de curso aparece unha reseña que hoxe queremos destacar para todos vós.
Refírese á obra "Donde lloran las musas" que é o primeiro libro de poemas escrito polo noso compañeiro Javi ( Javier García Núñez), titor este curso dun grupo de primeiro de primaria. Está editado por Cultiva Libros S.L.
A luz que todos levamos dentro é un dos temas que aparece nos seus poemas, a mesma luz que esperamos que guíe a súa andaina coma escritor.
CONTACONTOS EN INFANTIL
A editorial Kalandraka estivo no
colexio como tódolos anos facendo unha sesión de animación á lectura nas clases
de infantil.
Os animadores trouxeron un abrigo
máxico. O abrigo era da Señora Loreto e
nos seus petos empezaron tres historias… que Olalla foi contando e Marc
debuxando.
”Os petos da Señora Loreto”, de
Quentín Blake.
A dona do abrigo sempre está rodeada de nenos e nenas de distintas
idades e razas, e é a moi ocorrente,
disparatada e extravagante. Calquera cousa pode resultar útil nas súas mans. Por iso, como por arte de maxia, de todos os recunchos do seu abrigo saen
cousas inimaxinables.
“Boas noites, Bufo!”, de Pat
Hutchins.
Conta a historia dun bufo que
pretende durmir de día cando os ruídos dos outros animais fan imposible o
descanso, aínda que o final véngase de todos eles non deixándoos durmir pola
noite. Un conto acumulativo e repleto de sons, que reúne unha boa
representación da fauna do bosque.
"Imos cazar un oso”, de Michael
Rosen e a ilustradora Helen Oxenbury.
A historia está baseada nunha antiga canción de campamento
inglesa. Atravesando un campo de herba, un bosque, un río... cazar un oso convertese nunha aventura chea de emoción e imprevistos na que pode involucrarse toda a
familia. As ilustracións alternan escenas en cor e en branco e negro, a lapis e
a acuarela. O paseo de ida paseniño contrasta co de
regreso a toda velocidade.
Aquí tedes un vídeo coa canción orixinal, por se queredes aprendela.
E aquí tedes outra versión distinta do conto en castelán.
CONTACONTOS EN INFANTIL
A editorial Kalandraka estivo no colexio facendo unha sesión
de animación á lectura nas clases de infantil.
Presentáronlles dous contos: O soño de Matías, de
Leo Lionni e O artista que pintou un cabalo azul, de Eric Carle .
A través destes libros e das actividades que realizaron os
animadores, os nenos e nenas achegáronse
ao mundo da arte e puideron comprobar como pode axudar a cambiar a realidade.
ROSALÍA PEQUENIÑA
Xa sabedes que este ano conmemórase o 150
aniversario de "Cantares Gallegos" e o 50 aniversario do Día das
Letras Galegas, que foi dedicado na súa primeira edición a Rosalía.
A cantante Uxía
acaba de publicar un libro disco con poemas de Rosalía de Castro, e xa o
temos na nosa biblioteca. As ilustracións son de Marina Seoane e está publicado
pola editorial Galaxia.
Neste libro,
Uxía canta poemas de Rosalía co obxectivo de achegar aos nenos e nenas a
figura da nosa gran poetisa á que presenta sendo pequena como todos
e todas vós, e tamén “pirata”, “rebelde” e “insubmisa”.
O SOLDADIÑO DE CHUMBO
O soldadiño de
chumbo é unha das fermosas historias de amor que temos na nosa
biblioteca.
A obra orixinal foi escrita por Hans
Christian Andersen, pero podedes encontrar outras versións posteriores.
Esta que podedes ver na curtametraxe de animación dirixida por Virginia Curiá e Tomás Conde colleitou unha morea importante de premios en todo o mundo. Emilio Aragón
puxo a música a este proxecto no que tamén colaboraron prestando as súas voces
actores como Luis Piedrahita ou Manuel Manquiña. Ten como escenario o Museo do
Xoguete de Allariz e incorpora personaxes de tradición galega como son
o Cigarrón e
a Castañeira.
Na biblioteca temos tamén a versión escrita que Xavier Senín fixo a partir da
curtametraxe. A Editorial Galaxia converteuno nun libro multisoporte onde se conxuga o pracer estético
do álbum ilustrado de gran formato co DVD de animación.
O INCRIBLE NENO DEVORADOR DE LIBROS
Que ocorre cando un neno se empacha de boas lecturas? Pode ter unha indixestión. Hai que ler libros pero nunca comelos.
ESTE LIBRO ESTÁ NA BIBLIOTECA.
RECOMENDÁMOSTE QUE O LEAS, PERO NON O COMAS.
Suscribirse a:
Entradas (Atom)