DÍA DO LIBRO INFANTIL

O 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os nenos, nenas, rapaces e rapazas de todo o mundo..

Cada ano esta organización internacional encárgalle unha imaxe e un texto a autores de diferentes países. Nesta ocasión, a autora do texto é a mexicana Pat Mora e o ilustrador do cartel é o estadounidense Ashley Bryan.

Lemos xuntos, ti e eu.

Vemos que as letras forman palabras

e as palabras convértense en libros

que estreitamos nas nosas mans.

Oímos murmurios

e ríos buliciosos nas súas páxinas,

osos que cantan

graciosas melodías á lúa.

Entramos en misteriosos castelos

e das nosas mans soben ata as nubes

árbores florecidas.
Vemos nenas valentes que voan

e nenos que atrapan as estrelas.

Lemos xuntos.
Ti e eu, dando voltas e voltas,

percorrendo o mundo coa alegría nos libros.

Poema de Pat Mora

Traducción: Concha Blanco

 

Neste día queremos aproveitar para recordar os contos..., os contos de sempre ...
porque ... A quen non lle gusta que lle conten contos? 

Dos que nos contaban de pequenos, sexan do tipo que sexan... A todos nos gusta volver á nosa infancia e que nos transporten a un mundo de fantasía. Pero se, ademais, estes contos se narran cunha intención solidaria, o seu valor é dobre.
Unha serie de famosos personaxes colaboraron cunha iniciativa da Fundación La Caixa recitando versións actualizadas de varios contos clásicos. A intención é mover a cidadanía para que achegue o seu grao de area para rematar coa pobreza infantil. Fantasía e solidariedade a partes iguais.

Seguro que vos vai gustar escoitar esta particular versión de "La bella durmiente" a cargo de Belén Rueda.