O noso centro leva xa varios anos colaborando coa
organización da “Campaña Mundial pola Educación”, que traballa para conseguir o cumprimento dos compromisos internacionais que garanticen una educación para todos e todas.
O lema de este ano é... EU VOTO POLA EDUCACIÓN. E TI?
O lema de este ano é... EU VOTO POLA EDUCACIÓN. E TI?
O pasado 12 de maio o alumnado de 6º de primaria acudiu en
representación de todo o colexio ao acto central da Campaña deste ano que
se celebrou no teatro Principal de
Santiago de Compostela.
Os nosos nenos e nenas presentaron o resultado dun traballo de
investigación feito na biblioteca do “cole” sobre a
igualdade de xénero relacionándoa coas
letras das cancións na música infantil tradicional.
Así descubriron que gran parte das cancións infantis
tradicionais teñen unha mensaxe sexista. O
mesmo se pode dicir de moitas cancións populares onde a muller tiña un papel de
sumisa esperando ordes do marido ou mantiña a esperanza de poder casar.
Pero tamén atoparon exemplos de mulleres que se rebelan, mulleres que se fan escoitar… Coa axuda do profe Ramiro prepararon a canción “Sete mulleres do Miño” versionando unha de Jose Afonso. A canción conta a historia de María da Fonte, unha muller valente que xunto coas súas veciñas decidiron enfrentarse ao goberno portugués pelexando polo que crían inxusto.
Pero tamén atoparon exemplos de mulleres que se rebelan, mulleres que se fan escoitar… Coa axuda do profe Ramiro prepararon a canción “Sete mulleres do Miño” versionando unha de Jose Afonso. A canción conta a historia de María da Fonte, unha muller valente que xunto coas súas veciñas decidiron enfrentarse ao goberno portugués pelexando polo que crían inxusto.
Tamén fixeron unha versión dunha canción
de SES, unha nova cantante galega, que fala de mulleres loitadoras e valentes, coa que reinvindicaron que todas as mulleres no mundo teñen dereito á educación.
Aquí tedes algunhas fotos do evento...
E este é o vídeo completo da Campaña
deste ano no que participan algún dos nosos nenos e nenas e o noso director, e
que foi rodado en parte na nosa biblioteca.
