A escritora Érica Esmoris visitou o noso colexio e reuniuse
cos nenos e nenas de quinto na biblioteca.
Érica contoulles que os libros foron os seus compañeiros de
viaxe desde pequena e que sempre quixo converterse en escritora. Tamén
faloulles da súa admiración pola mítica Pippi Langstrumpf, personaxe literario
que encarnaba unha nena imaxinativa e
pouco convencional que tiña moita forza e vivía soa rodeada de mascotas.
Érica é a autora de “Nena e o mar”, un relato que todos e todas leron previamente e que lles encantou, pois a súa protagonista é moi valente e independente.
“Nena e o mar” foi Premio
Merlín de Literatura Infantil no ano 2015. Un grupo de 5º fixo un programa de radio animando á
lectura deste mesmo libro e que foi emitido pola Radio Municipal (Podedes volver a escoitalo AQUÍ).
Ao final do encontro Érica firmou exemplares de “Nena e o
mar” e recibiu varios agasallos feitos polos nenos e nenas.