Os nenos e nenas de 6ºC visitaron a Radio Municipal de Tui para recomendar a lectura de "Esmeraldina, a pequena defunta" escrito por Ledicia Costas e ilustrado por Víctor Rivas. Está publicado por Xerais.
Ledicia Costas escribiu “Escarlatina, a cociñeira defunta” , que como sabedes (porque xa
foi recomendado o ano pasado) ten varios premios. Nesta ocasión a autora preséntanos unha historia ambientada no
salvaxe oeste, e polo relato desfilan indios, vaqueiros, salteadores….
A trama principal sucede no Hotel Fantastique, onde
Esmeraldina e a súa familia son responsables da cociña. O tema gastronómico volve
a aparecer, incluso inclúe como epílogo da historia o “Libro de receitas de A
Tremenda”, alcume polo que era coñecida a avoa da protagonista.
Esmeraldina morre, pero segue a vivir no hotel convertida en
pantasma e terá que aprender a vivir a súa nova existencia como ectoplasma.
O libro é divertido, terrorífico, disparatado, e moitas cousas máis que... o alumnado de 6ºC
invita a descubrir entre as súas páxinas.