VISITA DE MARICA CAMPO

Os nenos e as nenas de 5º recibiron a visita de Marica Campo, a autora do libro que leron nas súas aulas este curso, titulado "Unha misión para Clara".

"Clara é unha nena de dez anos criada no amor e respecto á Natureza, que quere ser exploradora e visitar a selva amazónica. Non terá que ir tan lonxe porque coa chegada de Nimo, un estraño personaxe, terá unha misión que cumprir". 

A escritora aproveitou para falar da súa vida, das súas historias, do seu saber...  e da importancia que ten para o ser humano a literatura. 

Tamén estivo respondendo moitas preguntas que os nenos e nenas lle fixeron sobre o libro descubrindo o comprometidos/as que están coa defensa do medio ambiente en xeral e dos bosques galegos en particular.