Chegou o día, comeza o cole e chegan os nosos nenos e nenas cheos de emoción, de curiosidade, cun nerviosismo especial no corpo, o mesmo que temos todos os mestres por empezar un novo curso, con proxectos, con novas ideas, con entusiasmo.
Este curso temos un novo proxecto que nos manterá vinculados, por agora un pouco segredo, por iso deixamos pistas polo centro nestos primeiros días con letreiros que amosan palabras, títulos, con cortinas vermellas que engalanan as entradas. Xa iremos vendo de que se trata.
Para este reencontro, nas aulas o alumnado atopou un xogo: unhas bolsiñas sorpresa, cunha carta de BIT. Trátasese dunhas tarxetas con consignas para representar a través de xestos ou mímica...Terá todo esto algo que ver con este novo proxecto de centro?
