O equipo da biblioteca xa tiña todo listo para comezar este novo curso. Fixo os carnés para os usuarios novos, preparou tódalas mochilas viaxeiras, comprou novos materiais, ordenou todo, ambientou a biblioteca coma unha sala cinematográfica ........ pero faltaba Lúa ........ para dar a orde de apertura.
E onde estaba Lúa? Pois seguía de vacacións. E que estes últimos cursos ten rematado moi agotada e necesitaba un pouco máis de tempo. Pero en canto a chamaron volveu correndo, supervisou todo, deu o visto bo e... xa podedes desfrutar tódolos días deste recuncho tan especial do colexio.
Coma este vai ser un ano de cine, Lúa déixanos esta película sobre as súas vacacións e a súa volta ao cole. Notaredes que está rodada en branco e negro e é muda. Así foron as orixes do cine a finais do século XIX cando os irmáns Lumière crearon o cinematógrafo.
Por suposto, Lúa recibiu na biblioteca a cada un dos grupos de primaria, axudada pola profe Meli e Libra, un personaxe moi amante dos libros.
Logo visitou aos nenos e nenas de infantil.
Aquí podedes ver unha selección de fotos do evento.
Aquí podedes ver unha selección de fotos do evento.
Para todos trouxo un precioso marcapáxinas que espera que usedes en moitos libros durante todo o ano.
