O 2 de abril, aniversario da data de nacemento de Hans
Christian Andersen, celébrase o Día Internacional do Libro Infantil como modo
de promoción da lectura entre o público máis novo.
Este ano 2015 o país encargado para transmitir unha mensaxe
de apoio á lectura son os Emiratos Árabes Unidos. O deseño do cartel foi
realizado pola ilustradora Nasim Abaeian. O texto que o acompaña foi redactado
pola escritora Marwa Obaid Rashid Al Aqroubi.
|
"Falamos diferentes linguas e vimos de diferentes
orixes, mais compartimos as mesmas historias"
Historias internacionais… historias tradicionais
É a mesma historia que se nos conta a todos
En diferentes voces
En diferentes cores
Pero permanece inmutábel…
Comezo…
Argumento…
E fin…
É a mesma historia que todos sabemos e amamos
Todos a escoitamos
En diferentes versións de diferentes voces
Mais sempre é a mesma
Hai un heroe… unha princesa… e un vilán
Non importa a súa lingua, nin os seus nomes,
Nin as súas caras
É sempre o mesmo comezo,
Argumento
E fin
Sempre ese heroe… esa princesa e ese vilán
Inmutábeis durante séculos
Acompáñannos
Murmúrannos nos nosos soños
Arrólannos para durmir
As súas voces marcharon hai tempo
Pero viven nos nosos corazóns para sempre
Pois únennos nun mundo de misterio e imaxinación
Para que todas as culturas se fundan nunha única historia."
(Traducido ao galego por Antía Marante e Sabela González)
|