No colexio temos un
poeta: o profe Javi. A mediados do ano
pasado pubricou o seu primeiro libro, que se titula "Donde lloran las
musas". Este mes tivemos a sorte de escoitalo recitando algúns dos seus
poemas... Neles fala da súa nai, do seu avó, do seu primer sobriño, do
desexo que teñen algunhas persoas de volver a ser nenos, de xente que está soa,
de xente que se foi e é recordada con nostalxia, de paxariños que simbolizan a
alegría, a esperanza...
Antes de recitar cada
poema contounos algo sobre o que pretendía expresar ao escribilo e iso axudou a
entendelo e a desfrutalo pois a súa poesía, coma el mesmo nos dixo, non está
dirixida a nenos e nenas, senón a xente adulta.
No recital estiveron
presentes tódolas clases divididas en
varias quendas. Todos e todas escoitaron con moitísima atención. Ao final
quixeron saber moitas cousas e non pararon de preguntar: que canto tempo leva escribindo,
que a quen lle escribiu o primeiro poema, que se vai seguir escribindo, que é o
que lle impulsa a escribir, que se custa ter ideas, que se é difícil escribir,
se é difícil pubricar, se vendeu moitos exemplares, etc, etc. Esperamos que moitos
de vós teñades a inquedanza de ler poesía e tamén que vos animedes a escribir os vosos propios poemas.
Grazas Javi! Encantounos escoitarte!