A escritora e xornalista Mar Guerra visitou o noso colexio e conversou cos nenos e nenas de sexto curso. Neste encontro falaron sobre os seus libros, sobre todo de "Xenaro e a negra sombra" que todos leron e sobre o que fixeron un programa de radio. Mar contestou moitas preguntas, deulles consellos e xogou con eles na busca dunha palabra especial nas súas vidas... "Liberdade" foi a que obtivo máis votos. Finalmente, Mar firmou e dedicou os exemplares que tiñan os nenos e nenas e animounos a seguir lendo.
