Os nenos e nenas de 6ºB foron os encargados/as de facer o
primeiro programa deste curso para a Radio Municipal de Tui.
Escolleron o libro "A galiña azul" de Carlos
Casares, editado pola editorial Galaxia.
Carlos Casares será homenaxeado no Día das Letras
Galegas o vindeiro ano 2017.
"A galiña azul" é un conto no que un neno lle escribe unha carta a unha
nena amiga, que se foi a vivir a outra vila. Nela recorda algúns episodios
vividos por ela na infancia, entre os que destacan as historias de Leoncio, o
inventor da bomba da Felicidade e do "papaio", unha lingua para falar
cos paxaros. Pero o personaxe central é a Galiña Azul, unha
galiña moi especial que, en vez de dicir cacaracá di cocorocó e ten cinco
plumas encarnadas na á dereita, é dicir, "non é unha galiña como é
debido".