Celebramos a Semana da Tradición Oral con Meli, Mª Luisa e Rogelia que volveron ao colexio para contarlles aos nenos e nenas contos que escoitaron cando eran pequenas.
Unha das historias titulábase "A cabra Montesina". A protagonista era unha cabra moi mala que vai tragando a tódalas persoas que se achegan a ela,
ata que unha pequena formiga consegue salvalos a todos. O conto ten moitas
partes onde se di a mesma cantinela que os nenos e nenas estiveron encantados
de repetir unha e outra vez.
A outra historia foi a romanza titulada "A infanta do
reino de Canela". Unha romanza é unha historia que se canta. Na que
escoitamos cantada por Rogelia, unha infanta, cansada de escoitar aos seus
conselleiros a conveniencia de casarse, pon como condición que só o fará con
aquel que lle traia un mirlo de cor branca. Ao final, alguén o consegue, pero facendo unha trampa.
MOITAS GRAZAS ÁS TRES POR FACERNOS DESFRUTAR TANTO !!!