Durante o primeiro trimestre, aos nenos e ás nenas de Educación Infantil encargóuselle a tarefa de buscar e colorear as bandeiras dos países socios do proxecto Erasmus+.
Os nenos e as nenas de 1º foron os encargados/as de situar as escolas no mapa de Europa.
Os/as alumnas de 2º, 3º e 4º de Primaria estiveron investigando sobre os diferentes países aos que pertenecen os colexios, sobre as cidades onde están situados e sobre os propios colexios.
Estes últimos grupos no segundo trimestre traballaron plasmando en diferentes paneis o que foron descubrindo:
- Situación xeográfica, bandeira, monumentos máis importantes, comidas e festas tradicionais de cada país.
- Bandeira, monumentos importantes, comidas típicas, deportes que máis se practican e lugares de ocio familiar cos que contan as distintas cidades.
- Situación, número de alumnos/as, niveis educativos, asignaturas que estudan, idiomas que falan, deportes que practican, celebracións... de cada colexio.
Agora que xa están rematados, puxémolos no corredor principal para que todos/as poidamos saber máis sobre todos eles.
