Hai máis de trinta anos, nenos e nenas deste colexio escribíronlle a Manuel María e enviáronlle poemas e debuxos.
El contestoulles e aquí temos a súa carta grazas ao noso compañeiro durante moitos anos, ainda que na actualidade xubilado, Luis Márquez.
Manuel María ademais de agradecer a correspondencia, fala do río Miño que une Tui, a nosa cidade, coa súa vila natal, Outeiro de Rei.
"Desexo ... que escoitedes a canción do Miño con ouvidos puros e corazón limpo e a gardedes no fondo do voso ser. ....O Miño canta en galego. Sempre. É algo que non debedes esquecer nunca".
Varios anos despois segue o intercambio de correspondencia e Manuel María anúncialles aos nenos e nenas a publicación do seu libro "A tribo ten catro ríos".
Premede enriba da imaxe para vela máis grande...
e non deixedes de lela!
e non deixedes de lela!