XA ESTAMOS DE ENTROIDO
AVISO! Bit está preparado para a troula e xa ten pensadas cales serán as ORDES desta semana para que a diversión e a alegría reine nestes días.
Mostrando entradas con la etiqueta ENTROIDO. Mostrar todas las entradas
Mostrando entradas con la etiqueta ENTROIDO. Mostrar todas las entradas
Quecendo motores para o Entroido
Neste vídeo podedes ver as tradicións de diferentes localidades de Galicia
Viva o Entroido!!!!
ENTROIDO 21
A compañía Cachirulo ofrécenos un espectáculo de rúa no que presenta, a través de vistosos monicreques de madeira, os diferentes Entroidos de Galicia. Neste ano no que non se pode celebrar esta festa, é unha boa maneira de achegarse ás nosas tradicións.
Non deixedes de facer este percorrido polos Entroidos máis significativos das catro provincias galegas: choqueiros (A Coruña), volantes (Chantada), o oso de Salcedo (Pobra de Brollón), mázcaras (Manzaneda), boteiros (Viana do Bolo), vellaróns (Castrelo de Cima, Riós), cigarróns (Verín), peliqueiros (Laza), vergalleiros (Sarreaus), pantallas (Xinzo de Limia), felos (Maceda), a Pita (Eiroás), troteiros (Bande), bonitas (Sande), merdeiros (Vigo), madamas e galáns (Cobres), Ravachol (Pontevedra)...
ENTROIDO 2020
Este curso a BOA ALIMENTACIÓN, outro dos
pilares fundamentais para poder levar unha vida feliz e saudable, foi a
protagonista do Entroido.
Polas rúas de Tui desfilaron cociñeiros/as,
panadeiros/as, froitas, hortalizas, cereais... animando aos veciños/as da nosa
cidade a concienciarse de que unha alimentación variada e rica en produtos
vexetais é imprescindible para ter boa saúde.
Logo houbo unha "cuchipanda" con
postres propios desta época (filloas, orellas, flores, chulas...) e música e
baile para rematar a festa.
ENTROIDO 19
Este curso o DEPORTE, un dos pilares fundamentais para poder levar unha vida feliz e saudable, foi o protagonista do Entroido.
Polo escenario que montamos no patio do colexio pasaron xogadores de polo, submarinistas, pilotos de Fórmula 1, levantadores de pesas, xogadores de birlos, surfistas, xinetes, árbitros de fútbol e practicantes de "parkour".
Tódolos grupos prepararon unha actuación para o resto do alumnado e para as familias que nos quixeron acompañar.
Logo houbo unha "cuchipanda" con produtos propios desta época (filloas, orellas, flores, chulas...) e música e baile para rematar a festa.
ASÍ CELEBRAMOS O ENTROIDO
O venres 24 celebramos o Entroido cunha gran festa solidaria á que invitamos a participar a tódala comunidade educativa.
Todos e todas estabamos disfrazados de choqueiros e reunímonos por grupos en diversas estancias do colexio para visionar vídeos con imaxes do Entroido típico galego. Logo unha charanga foi recollendo a cada un dos grupos e formaron unha comitiva que rematou co todo colexio reunido no patio.
Alí había un gran escenario polo que foron desfilando tódalas clases.
Os nenos e nenas de primaria tiñan preparadas coplas que inventaran na clase de música e foron cantando para todos os demais compañeiros/as e para as familias que nos acompañaban.
Cando remataron as coplas houbo unha "cuchipanda" con postres típicos desta época (filloas, flores, orellas...)
Despois os nenos e nenas podían escoller entre varias actividades: facerse fotos con Lúa, traballar con barro ou bailar ao compás de animadas músicas.
Mentras todo isto sucedía,
recollíamos alimentos para SOS Tomiño.
recollíamos alimentos para SOS Tomiño.
O alumnado de quinto e sexto estiveron por quendas atendendo a tódalas persoas que quixeron aportar algo neste proxecto solidario.
A cambio dos alimentos repartiron as pezas de barro que estiveron facendo tódolos nenos e nenas do colexio a semana anterior.
Estes agasallos foron feitos con moito cariño para agradecer a colaboración das familias.
A cambio dos alimentos repartiron as pezas de barro que estiveron facendo tódolos nenos e nenas do colexio a semana anterior.
Estes agasallos foron feitos con moito cariño para agradecer a colaboración das familias.
Se queredes saber cantos quilos se recolleron, premede AQUÍ.
Moitas grazas a tódalas persoas que colaboraron connosco nesta actividade solidaria.
A HORTA NA RÚA
Este curso Lúa animouse a participar no desfile de Entroido polas rúas de Tui xunto a tódolos nenos e nenas do colexio.
E non estaba soa!
Foi acompañada en todo momento pola súa avoa Manuela, a quen está moi unida.
Como non podía ser doutra maneira aproveitou a ocasión para facer publicidade da nosa horta ecolóxica e animou a tódolos presentes a plantar, a cultivar, a encher a cidade de hortas...
Despois foise á biblioteca a seguir traballando.
GRAZAS LÚA POR ACOMPAÑARNOS!
Suscribirse a:
Entradas (Atom)